اكثر مشكلة يتعرض لها الطلاب

حبيت اكتب عن مشكلة بيعاني منها كتير من الطلاب
بصراحة أول ما دخلت الجامعة كنت اسمع عنها بس ما صدقت الا لمن تعرضت لهالمشكلة
المشكلة وباختصار هي تصلط بعض الدكاترة على الطلاب
وتكون النتيجة يحمل الدكتور الطالب المادة بلا مبالاة
انا ما كتبت عن هادي المشكلة الا بعد ما مريت فيها هاد الفصل(الصيفي)
أنا طالبة سنة ثانية بس مستوى ثالثة
نزلت على الصيفي مادة عند احد الدكاترة المادة بياخدها خريجين وسنة ثالثة
كنت انا وفي 2 بالشعبة سنة 2 كان الدكتور يقول
أنا مش عارف ليش طلاب سنة ثانية منزلين هاد المساق مش عارف مستعجلين على ايش متوقعين انهم ممكن ينجحو فيه
لو كان خريجين بيحملو هاد المساق طلاب سنة 2 متوقعين ينجحو
كان تجميعي عالأول 15 والثاني 13 من 25
يعني 28 من 50
طلب الدكتور منا تقديم بحث بـــ10 علامات قدمت بحث قلت خليه يحط عليه 5 من 10 مع اني كنت متوقعة اني اخد 10 على قد ما تعبت عليه
وعلى الفاينل جاوبت اتوقعت تكون علامتي 30 أو 35 على قد ما درست وحليت بالفاينل
يوم نزلت النتائج انصدمت ان الدكتور منزلي المادة 35
كانت صدمة بالنسبة الي
والمشكلة لو لجأت للاعتراض هاد الدكتور محتكر المادة ما بتنزل الا عنده رح اضطر ارجع اخدها عنده ووقتها مستحيل اخلص منها
انا كتبت هاد الموضوع بس على قد ما ككنت مقهورة
وما بقول الا حسبي الله ونعم الوكيل