طريقة عمل الليزي كيك

يلي بتحب تعمل حلويات انا رح اعطيها طريقة عمل حلو كتيييييييييييير زاكي وكمان سهلة جدا جدا وانا جربتها كتير وبتطلع معي طيبة ما بعرف معكم جربواها واعطوني النتائج

الليزي كيك

المكونات:

2 باكيت بسكوت سادة
4 ملاعق كبيرة كاكاو مُرة (او اي نوع كاكاو)
2 ملعقة كبيرة زبدة (او زيت)
ملعقة صغيرة فانيلا
كوب صغير (كوب شاي) حليب سائل
قطعة قصدير (اذا منحب الشكل الدائري)

الطريقة:

اول شي رح نكسر البسكوت لقطع صغيرة ( بس مش فتفييت اشي ومنو)ومنحطو على جنب .
وبعدين منجيب الكاكاو والزبدة والحليب والفانيلا ومنخلطهم بمضرب البيض (يعني خلاط الكيك)لحتى يصير عنا خليط متجانس
وبعدين منجيب البسكوت ومنحط عليه الخلطة يلي عملناها من شوي ومنخلط ومنخلط منخلط (بس برقة مش تفتفتوا البسكوت) وبعدين
منجيب قطعة القصدير اذا كنا حابين نعملها بشكل دائري او صنية اذا بدنا ياها بشكل مربعات ومنحط الخلطة ومنحطها بالفريزر لمدة 4-5 ساعات .
لما نطلعها منقطعها ومنحطها بطبق التقديم ونرش عليها جوز الهند او سكر ناعم
وصحتين وهنا


معكم الشيف red rose
يا ريت اسمع رأيكم